CAGAYAN DE ORO CITY – Giatubang sa 42 ka suspected drug pushers ang kasupakan sa Republic Act 9165 dihang sila nadakpan sa magkalahing lower units operations sa Northern Mindanao region sa miaging semana.
Gibutyag ni Police Regional Office 10 spokesperson Major Joann Navarro nga nabawi gikan sa mga dinakpan ang sobra 149 gramos sa gitoohang shabu nga dunay kantidad nga kapin uno-milyon pesos nga estimated market value.
Namahayag si Navarro nga gawas sa 42 ka personalidad ang kabahin lang sa 105 ka dinakpan sa magkalahi nga kasupakan sa balaod palibot sa rehiyon.
Una nang nakadakop usab ang PNP operatives sa 12 ka personalidad kay nalambigit sa nagkadaiyang porma sa pasugal nga ilegal.
Nasignit na usab sa kapolisan ang 49 ka indibidwal nga dunay mga pending kasong kriminal diin duha niini ang tratado nga most wanted persons.
