CAGAYAN DE ORO CITY – Nag-atubang na sa kasong pagsupak sa Republic Act 9165 ang duha ka suspected pushers nga nadakpan sa hiniusang operasyon sa Philippine Drug Enforcement Agency-Lanao del Sur ug sa nagkadaiyang special units sa Philippine National Police sa Brgy Población,Saguiaran,Lanao del Sur.
Namahayag si Lanao del Sur Police Provincial Office Director Col. Robert Daculan nga nakuha gikan sa mga dinakpan ang 500 gramos nga adunay market value nga 3.4 milyones pesos.
Gawas sa nabawii nga droga pinaagi sa illegal drugs buy -bust operation nga gisulod sa duha ka tea bags nga adunay Chinese characters, na-embargo usab gikan sa mga dinakpan ang motorsiklo, cellphone ug ubang mga ebedensiya.
Nagtikagol na ang mga dinakpan sa selda samtang maghulat dunggon ang ilang mga kaso sa korte sa maong lugar.
Nasuta nga pulos taga-Mindalano,El Salvador,Lanao del Norte ang mga dinakpan.
