CAGAYAN DE ORO CITY -Gihinaut sa Cagayan de Oro City Police Office nga mahatagan na sa sulbad ang kamatayon sa sakop sa media nga si Frederico ‘Ding’ Gempesaw nga unang gipusil-patay mismo sa tugkaran sa ilang balay sa Macanhan,Brgy Carmen ning syudad sa miaging tuig.
Gihimo ni COCPO spokesperson Police Lt Col.Evan Viñas ang pahayag nunot sa pagkahatag na sa 500-mil pesos nga reward money nga unang gisaad ni kanhi provincial governor ug karon District 2 Congressman Bambi Emano ngadto sa informant makatabang sa SITG Hempesaw pagsulbad sa kaso.
Miingon si Viñas nga pabiling wala nila hunungi ang pagpangita pa sa dugang ebedensiya aron mapalig-on ang murder case nga unang napasaka batok sa usa sa mga akusado nga nadakpan na sa kapolisan sa Brgy Carmen sa syudad sa miaging Nobyembre ning tuiga. (Photos from Ms. Stephanie Berganio)
