CAGAYAN DE ORO CITY – Nagpasko sulod sa nagkadaiyang selda ang 114 ka personalidad nga nadakpan sa gilusad sa lower units sa Police Regional Office 10 nga dungan nga anti-criminality law enforcement operation sa Northern Mindanao ning semanaha.
Kini human nangadakpan sa nagkadaiyang atraso sa pagsupak sa balaod diin 41 kanila ang nakahimo sa pagpalusot sa illegal nga droga sama sa gitoohang shabu ug marijuana.
Sumala ni PRO 10 Director Brig Gen Jaysen De Guzman nga nakuha gikan sa maong particular nga mga dinakpan ang 107.4 gramos nga gitoohang shabu ug laing mil-221 marijuana grams nga nagkantidad sa sobra 875-mil pesos.
Dugang sa impormasyon nga nakakompiskar usab sa dugang gramos sa gitoohang shabu nga nagkantidad 23-mil 800 pesos.
Nakasakmit usab ang lower units sa 16 ka suspects tungod sa kalambigitan sa illegal gambling.
Samtang sa pagpangita sa wanted persons,anaa sa 45 ka personalidad ang nadakpan nga nag-atubang sa klase-klaseng mga kaso sa korte.
