CAGAYAN DE ORO CITY, Philippines – Temporaryong gipahunong sa Philippine Coast Guard ang pagbiyahe padulong ug pagawas sa Surigao del Norte, Surigao del Sur, ug Dinagat Islands.
Epekto kini sa kusog ug dagkung mga balod dala sa hanging Habagat. Pulos nag-isyu sa ilang managlahing sea travel suspension ang Coast Guard Stations (CGS) sa Surigao del Norte, Surigao del Sur, Dinagat Islands, ug Siargao Islands batok sa mga barko ug salakyanan nga adunay 250 gross tonnages ug ubos pa.
Una niini, hugot nga girekomendar sa CGS Surigao del Norte nga gidili ang pagbiyahe sa kabaybayunan ug lawod tungod sa gibana-bana nga 53-63 kilometros matag oras nga huyop sa hangin nga magresulta sa 3.7 hangtud 4.5 metros nga gitas-on sa balaod.
Nagpahimangno usab ang PCG sa tanan mangingisda nga likayan ang pagpamasol sa kadagatan, lakip ang mga beachgoers tungod sa dautang panahon.
