CAGAYAN DE ORO CITY, Philippines – ‘Record breaking’ ang ihap sa mga tawo nga katkat sa bukid sa Our Lady of Guadalupe Shrine sa Barangay Tablon, ning syudad.
Gibutyag ni Brgy. Tablon Administrator Roel Tan nga misaka pa sa 25,513 ang mibisita sa Shrine ni Berhin Maria gikan sa Huwebes Santo hangtud sa Biyernes Santo.
Nabuak sa record ang kanhi 22,000 hangtud 23,000 ka mga dumuduaw niadtong 2024, ug kapin 13,000 hangtud 14,000 nga ihap sa mga mibisita sa shrine niadtong 2020 ug 2022 panahon sa COVID-19 pandemic.
Miingon si Tan nga ang padayong pagsaka sa mga deboto nagsumikad sa ilang maayong pagpangandam ug luwas nga agi-anan sa mga gahimo’g pag-ampo sa kada istasyon sa kurus, gikan sa siyam ka higayon nga pahtabok sa suba hangtud sa pagsaka sa bungtod sa Shrine.
Gikompirmar sa konseho sa barangay nga wala silay natala nga mga kakulian, apan duna lang reklamo sa pipila kung asa nahimutang ang pansayan sa babaye ug lalaki.
Una nang gitin-aw sa barangay administrador nga adunay mga pansayan ang ilang gitukod didto mismo sa Shrine ug daghan lang ang wala nakapangutana kung asa ang lokasyon niini.
