Gipaniguro ni Presidente Ferdinand Marcos Jr., nga magpadayon ang tabang sa napulo ka rehiyon nga gilampurnas sa Bagyong Tino ug Super Typhoon Uwan.
Kini ang gibutyag ni Palace Prss Officer Atty Claire Castro, sa press briefing sa Malacañan, kagahapon.
Miingon si Castro nga nagpagawas na sa mando-direktiba ang presidente sa Department of Health (DOH) ug Department of Social Welfare and Developmente (DSWD) aron matunol ang hinanali nga mga panginahanglan sa panglawas sa mga biktima sa kalamidad.
Lakip niini ang deployment sa mga medical team sa tanang evacuation centers aron masiguro ang kahimsog sa mga evacuees. Tumong niini nga malikayan ang tinakdanay sa sakit nga magresulta sa outbreak o epidemya.
