CAGAYAN DE ORO CITY – Gitin-aw sa National Bureau of Investigation o NBI-10 nga ang ilang central office maoy magpasaka’g kaso batok sa mga nalambigit sa illegal investment scam nga Kabus Padatoon o KAPA – Community Ministry International Incorporated.
Gibutyag ni NBI-10 regional director Atty Patricio Bernales nga maoy ilang tahas ang pagronda sa mga opisina sa KAPA ug ipadala sa kauluhan ang mga dokumento nga marekober aron maggamit nga ebidensiya sa illegal nga pagpanapi sa maong organisasyon.
Hisayran nga duha na ka opisina sa KAPA ang gironda sa NBI kauban ang mga personahe sa Securities and Exchange Commission kon SEC diha sa Igpit, Opol Mis Or ug sa Valencia City, Bukidnon.
