Milusad sa lihok protesta ang mga miyembro sa Bagong Alyansang Makabayan sa gawas nga bahin sa Camp Aguinaldo, kagahapon sa udto.
Tumong sa ilang protesta ang pagsupak sa pagpatuman sa mga aktibidad sa Balikatan exercises nga posibleng muresulta sa pagtaas sa tensyon ug makamugna sa dakung bahad sa soberiniya sa nasud.
Maoy gikabalak-an sa grupo ang live-fire drills, lakip na ang poaggamit sa long-range missile tests ug joint military operations nga gilangkoban sa U.S. forces, ug uban pang langyaw nga militar.
Daku ang nakitang kabalaka sa mga residente nga duol sa drill kay makamugna kini sa hulga sa pagsaka sa ihap sa presensya sa militarya sa usa ka lugar.
