CAGAYAN DE ORO CITY, Philippines – Gidepensa sa liderato sa National Economic and Development Authority (NEDA) ang pamahayag nga dili “food poor” o kabus ang usa ka pamilya kung “afford” sa matag usa ka miyembro ang mukabon sa 64 pesos – pataas sa kada pangaon, sulod sa usa ka adlaw.
Gihimo ni NEDA Chief Arsenio Balisacan ang pamahayag dihang gi-imbitar kini sa Senate hearing alang sa proposed 2025 budget sa buhatan.
Dala ang data gikan sa 2021 hangtud sa 2023 nga pagtuon, namugos si Balisacan nga “monthly food threshold” sa usa ka pamilya nga dunay lima ka miyembro mukostar sa 9,581 pesos.
Sa maong kwentada nakuha ni Balisacan ang “P64 per person” kada adlaw.
Miingon ang NEDA nga anaa sa 55 pesos per meal – per individual ang “monthly food threshold” sa 2021 ug lauman nga musaka kini sa 67 pesos sa sunod tuig.
