Paslak na sa prisohan ang viral nga tulisan nga nakuhaan sa CCTV samtang nagpanulis sa duha ka managlahing lugar sa syudad sa miaging semana.
Sumala ni Police Captain Emilita Simon, spokesperson sa Cagayan de Oro City Police Office, nadakpan na ang suspek human sa paspas nga follow-up operation sa kapulisan base sa viral footage ug mga testimonya sa mga biktima.
Dugang pa niini, giingong giila na ang suspek ug gipasakaan na kini og kaso, lakip na ang kalambigitan sa laing krimen sama sa paggamit og ilegal nga droga ug armas nga nasakmit sa operasyon.
Samtang, gi-awhag usab sa kapulisan ang ubang posibleng biktima nga wala pa makareport nga moduol sa police station aron mapalig-on ang kaso batok sa nadakpan.
Gipasalig sa COCPO nga magpadayon ang ilang kampanya batok sa krimen aron mapabilin ang kalinaw ug kahapsay sa syudad.
