Posibleng adunay gipanalipdan ang social media page nga Peanut Gallery Media Network (PGMN) ug kini ang rason nga daghan ang dismayado kung nganong wala miguwa sa ilang exposey ang ngalan ni Presidente Ferdinand Marcos Jr isip “overall” nga nagkontrol sa budget sa Pilipinas.
Nagtuo si Atty Rhobert Maestre nga tataw man nga adunay lig-ong relasyon ang tag-iya sa social media network nga si Franco Mabanta kang Presidente Marcos, ug nahimo usab nga supporter sa kampo sa mga Duterte.
Kini ang rason nga daghan daw mga “DDS Supporters” ang wala makombinser sa mga pasabog nga kuno makapadoot sa mastermind sa flood control corruption scandal.
Alang kang Maestre klaro nga ang target sa exposey mao si kanhi Speaker Romualdez ug ang iyang mga bata-bata sama ni Zaldy Co, iyang kapikas nga kongresista nga si Yedra Marie nga maoy nagkontrolar sa budget sa kamarabaha ug uban pa
