Nagtuo si Xavier University Department of Economics Chairperson, Prof. John Louie Sabal, nga kung hisgutan ang foreign relations, dili angay mupili ang usa ka nasud sa iyang baruganan, ilabe nga ang Pilipinas, usa ka pobre nga nasud ug layo ra kini sa estado sa ekonomiya sa China ug Estados Unidos. Matod ni Sabal, mas maayong estratehiya ang pagpabiling neutral ug dili pagpili og paboran nga bahin, tungod kay klaro nga dili masaligan ang duha ka higanteng nasud ug posibleng makadala pa kini og mas daghang hulga sa Pilipinas.
