CAGAYAN DE ORO CITY, Philippines – Dakong garbo alang kang Pinoy MMA legend Eduard Folayang ang pagpili kaniya ni Shinya Aoki isip katapusang ka-atbang dali pa magretiro sa natad sa kickboxing.
Ipahigayon ang duelo sa duruha sa ONE 172: Takeru vs. Rodtang karong Marso 23 sa Saitama Super Arena, Japan.
Kini na ang ilang ika-upat nga match-up, diin duha ka higayon na nakadaog si Aoki sa ilang tulo ka nag-una nga mga away, samtang usa ang nadag-an ni Folayang.
Sa usa ka eksklusibong interbyu sa Bombo Radyo, gipasalamatan ni Folayang si Aoki ilabi na nga muhata kini’g dugang kadungganan samtang nagkaduol ang paghupas sa iyang kontrata sa Setyembre.
Nagduda si Folayang nga kini na ang posibleng katapusang away niini, o magdepende pa sa resulta.
Misaad ang 41-anyos nga kickboxer nga iyang ihatag ang iyang pinakalig-ong performance alang sa iyang mga fans dungan sa iyang lig-ong pagsalig sa labaw nga makagagahum nga maggiya kaniya sa iyang kadaigan.
