CAGAYAN DE ORO CITY-Gikompirmar sa kapolisan ang pagduyog sa pipila ka ‘muslim-maranao’ sa traslacion sa itom nga Nazareno sa Iligan City kagahapon.
Miingon si Iligan City Police Office o ICPO Spokesperson Major Jovanni Cabusas nga nagpakita lamang kini sa panaghiusa sa mga muslim ug kristiyano ingon man sa pagrespito sa mga maranao sa tinuig nga tradisyon sa mga kristiyano.
Asoy ni Maj. Cabusas nga hapsay ug malinawon ang prosisyon nga gisalmotan sa kapig 2-mil ka deboto.
Wala usa’y ilang natalang mga insidente ug walay nakuyapan nga mga deboto.
