CAGAYAN DE ORO CITY – Gihangyo Tagoloan Community College o TCC ang kapolisan nga paspasan pa ang pagpangita sa tinud-anay nga suspek nga mipatay sa ilang tinun-an nga babaye pinaagi sa pagdunggab niini sulod sa kuwarto sa ilang balay sa Zone 4,Sitio Dinogan,Brgy Sta Ana,Tagoloan,Misamis Oriental.
Kini aron paspas mahatagan sa hustisya ang gidangatan sa biktima nga si Lady Grace Galo,19 anyos,2nd year student sa kursong BS Business Administration.
Giangkon sa tunghaan nga nakurat sila pag-ayo nga nahitabo kini sa ilang estudyante.
Nakigduyog usab ang TCC sa kasub-anan sa pamilya ug kauban mikondinar sa linu-og nga binuhatan.
Si Galo ang aktibo usab nga sacristan sa ilang simbahan apan nakurat ang kadaghanan sa iyang gidangatan kagahapon sa buntag.
Nahiagom sa mga dinunggaban ang biktima nga hinungdan sa iyang kamatayon kay nanglimbasog pa kini aron makasukol.
Hisayrang may usa pa ka person of interest ang giimbestigaran sa kapolisan kay unang nag-negatibo ang unom ka trabahate nga gipang-imbitar kagahapong adlawa.
