CAGAYAN DE ORO CITY-Namugos ang PNP nga misukol ug nakig-pinusilay ang tulo ka armadong lalaki samtang gisilbi ang search warrant gikan sa korte diha sa Brgy Sinai,Laguindingan,Misamis Oriental.
Kini ang rason nga milungtad sa 10 minutos ang pinusilay apan nag-resulta sa kamatayon sa target nga si Dodong Pindulangan,ug duha ka kauban nga si Carlo Dagondon ug John Lago.
Miingon si Police Insp Princess Joy Enriquez,tigpamaba sa Misamis Oriental PNP nga anaa sa kalambigitan sa ilegal nga droga si Pindulangan hinungdan nga tuyo sikopon sa hiniusang puwersa sa kapolisan.
Nakaangkon sa grabeng igo pinusilan ang mga suspek samtang nakig-pinusilay hinungdan sa ilang mga kamatayon.
Si Pindulangan,Dagondon ug Lago ang ika-13 nga napatay sa kapolisan sa gipakusog nga anti-illegal drugs operation sa lalawigan.
