CAGAYAN DE ORO CITY-Tanghaga alang sa kapolisan kon unsa ang motibo pag-ambush sa amahan ug anak diha sa Zone 12,Brgy Sta Cruz,Tagoloan,Misamis Oriental kagahapong adlawa.
Giila ang mga bitkima nga si Ricardo,56 anyos ug Erwin Daban,26 anyos nga pulos nagpuyo sa maong lugar.
Gibutyag ni Sr/Insp Roberto Cambe,deputy commander sa Tagoloan Police Station nga pauli na sakay sa motorsiklo ang mga biktima dihang gisundan sila sa motorcycle in tandem suspects ug gilayong gipamusil.
Nakasulod pa sa balay si Erwin apan gisundan kini sa kriminal ug gitawasan hinungdan nakaangkon sa 7 ka samad sa kalawasan.
Miaparta ang amahan ni Erwin apan gidul-itan kini’g pusil sa suspek hinungdan naigo ang dughan ug na ospital namatay.
Gikompirmar ni Cambe nga walay bisan unsa nga kreminal record ang mag-amahan hinungdan nagpadayon ang ilang imbestigasyon.
