Pope Francis, mikondinar sa pagpatay sa mga hostages sa Gaza
CAGAYAN DE ORO CITY, Philippines – Gikondinar sa Santo Papa ang walay hunong nga gubat sa Russia ug Ukraine, Hamas-Israel sa Gaza, lakip na ang gubat sibil sa Myanmar.
Sa iyang senemana nga pag-ampo sa balkonahe sa St Peters Basilica, iyang gipalanog ang iyang walay kahumanan nga pag-ampo alang sa kalinaw sa tibook kalibutan ilabe sa Tunga-Tungang Sidlakan (Middle East).
Gidumdum ni Santo Papa Francisco ang higayon nga linawas niyang gihimamat ang inahan nga si Rachel Polin, kinsa nagsagubang sa dul-an usa ka tuig nga pagsubo dihang gihostage ang iyang anak nga si Hersh Goldberg-Polin sa Hamas Militants niadtong Oktobre 7, 2023.
Mi-simpatiya ang Santo Papa sa tanan pamilya nga migrabe ang gibating kasakit dihang nasayran nga patay na ang mga nahuptang hostages sa Hamas, lakip ang anak ni Polin.
Una niini, balik-trabaho gilayon ang labaw sa opisina sa The Holy See taliwala nga bag-uhay pa kini naka-abot sa Roma gikan sa iyang 12 ka adlaw nga pagbiyahe gikan Indonesia, Papua New Guinea, Timor Leste, ug Singapore
