Nagpahigayon sa protesta ang mga port workers sa Tenerife batok sa pag-abot sa MV Hondius nga naigo sa hantavirus outbreak, samtang gi-insistir sa Spanish government ug World Health Organization (WHO) nga tugotan kini nga mopundo sa Canary Islands.
Ang mga demonstrador nagpasidaan sa hulga sa kahimsog ug kakulang sa safety protocol, samtang ang mga residente nahadlok nga mobalik ang quarantine sama sa Covid pandemic.
Ang barko nagdala sa kapin sa 140-ka pasahero ug crew gikan sa 23-ka nasud, diin tulo na ang namatay ug daghan ang gi-isolate tungod sa sintomas.
Matod sa WHO nga ubos ang risgo sa lokal nga populasyon ug gi-andam na ang repatriation sa mga pasahero pinaagi sa Granadilla port. (phillip ariata)
