CAGAYAN DE ORO CITY, Philippines – Gibatikos ni Presidente Ferdinand Marcos Jr. ang kampo sa mga Duterte sa ilang baluwarte sa Davao.
Sa political rally sa Alyansa Para sa Bagong Pilipinas sa Carmen, Davao del Norte, gisaway ni Marcos ang pamahayag sa kanhi presidente nga mupatay sa 15 ka mga senador aron lang makasulod ang ilang siyam ka mga kandidato sa Partido Demokratiko Pilipino–Lakas ng Bayan (PDP-Laban).
Gikondinar ni Marcos ang iresponsableng pamahayag ni Duterte ug gipangutana ngano kanunay ang pagpatay ang kanunay niyang makitang sulosyon sa tanan suliran.
