Gi-anunsyo ni Presidente Ferdinand Marcos Jr ang bag-ong rollback sa presyo sa lana nga ipatuman karong semanaha, diin ang diesel mokunhod sa P24.94 kada litro, samtang P3.41 sa gasolina ug P2.00 sa kerosene.
Kung masunod kini, ang diesel mokunhod ngadto sa P107.40 kada litro ug ang gasolina mahimong P92.20, samtang ang kerosene posibleng P138.87 na lang.
Matod sa Presidente nga mas dako kini nga rollback kumpara sa miaging semana ug makahatag sa ginhawa sa publiko, diin iyang gihangyo ang mga kompanya sa lana nga ipatuman kini nga walay dugay.
Kini na ang ika-duhang sunod nga rollback human sa serye sa pag-saka sa presyo tungod sa tensyon tali sa Estados Unidos ug Iran niadtong Pebrero.
