CAGAYAN DE ORO CITY – Hayan manubag kang Pres. Bongbong Marcos pinaagi sa PNP ug DILG ang usa ka police colonel nga tipik sa 20 ka senior officials sa Police Regional Office 10 nga gipaduso sa ilang courtesy resignation sa ilang trabaho.
Kini bisan kon boluntaryo ang unang lakang nga gihimo sa natl govt ngadto sa 3rd level officers sa PNP kay pipila kanila ang dunay pasangil nga nalambigit sa ilegal nga droga nga gipadagan sa nasud.
Gikompirmar ni PRO 10 regional director Brig Gen Lawrence Coop nga pulos sila nakasang-at sa ilang courtesy resignation kuyog si deputy director for administration Brig Gen Benedicto Pintor gawas lamang sa usa ka kauban nila nga kernel nga nadestino sulod sa Camp Alagar.
Siya miingon nga daan nang nagbahad si Chief PNP Gen Rodolfo Azurin Jr nga kadtong mapakyas paghawa sa ilang trabaho ang ipa-esplikar sa sunod nga hugna sa lakang kontra ilegal nga droga.
Samtang namugos si Coop nga walay bisan usa sa mga milangkob nga senior officials sa Camp Alagar nga konektado sa mga sindikato sa ilegal nga droga.
Kini ang pasalig ni Coop bisan kon dunay usa sa ilang mga kauban ang wala moduso sa courtesy resignation.
Gibutyag sa heneral nga wala nagpasabot nga kon nagdumili ang maong police colonel sa paglimpiyo sa dungog sa PNP,may gilambigitan na kini nga ilegal kalihukan.
