CAGAYAN DE ORO CITY – Gipapha sa Police Regional Office 10 ang walo gikan sa 176 ka aktibong pulis nga nag-atubang sa seryosong kasong administratibo sulod sa PNP.
Kini nunot sa gipalig-on nga internal cleansing batok sa pipila ka badlungong mga personalidad ug naghatag sa dugang dautang hulagway sa PNP atubangan sa publiko.
Gibutyag ni PRO 10 spokesperson Police Maj. Joann Navarro nga sa 176 ka under investigation nila nga personahe,43 ang napahamtanga’g silot samtang laing 44 ang dunay pending decision nga ipakanaug sa ilang kadagkuan.
Siya miingon nga labing taas nga ranggo nga apil sa nasilotan ang usa ka ‘lt colonel’ samtang ang labing ubos nagranggo sa police patrolman.
Dugang ni Navarro nga mapun-an pa ang maong ihap sa mga silotan kon dili magbag-o ang kadtong mga pulis nga naghatag sa kaulawon sa ilang organisasyon.
