Gitin-aw ni Interior Secretary Jonvic Remulla nga nahibalo ang mga awtoridad sa nahimutangan ni Vice President Sara Duterte sa wala pa gipagawas ang warrant of arrest batok kaniya apan wala siya dayon dakpa.
Matod ni Remulla, respetado sa Philippine National Police ang posisyon ni Duterte isip bise presidente ug adunay body-camera footage sa pagpatuman sa warrant.
Ang warrant gi-isyu sa Quezon City Regional Trial Court Branch 98 human makit-an niini ang probable cause batok kang Duterte sa tulo ka counts of grave threats.
Ang mga kaso may kalabotan sa iyang mga pahayag niadtong Nobyembre 2024 batok kang President Ferdinand Marcos Jr., First Lady Liza Araneta-Marcos, ug kanhi House Speaker Martin Romualdez.
Human niini, mipiyansa si Duterte og 360 mil pesos alang sa tulo ka kaso, samtang iyang giakusahan ang mga awtoridad og harassment ug surveillance. (jane abulag)
