(Update) CAGAYAN DE ORO CITY – Gitratar sa kapolisan nga ‘rido’ o ang dugay nang away-pamilya ang pinakabug-at nga rason kon nganong napatay ang aktibong konsehal gamit ang kaugalingong dala nga M-16 rifle niini nga kalit giilog sa suspek sa Barangay Dimayon,Nunungan,Lanao del Norte.
Unang giila ang biktima nga si Rebucon Barangay Kagawad Otar Bada Alamada samtang natumbok usab ang suspek nga si Adam Mamorasa nga taga-lungsod sa Sultan Naga Dimaporo pulos sakop sa probinsya.
Gibutyag sa Bombo Radyo ni Police Regional Office 10 spokesperson Major Joann Navarro nga dugay na nagtiner sa lawom nga bangi ang duha ka panig rason mi-resulta sa dugu-ong hitabo.
Namahayag si Navarro nga unang miduaw si Otar sa iyang mga kabanay sa Brgy Dimayon apan wala damha nga kalit mitunga si Mamorasa ug gikuha’g kalit ang armas ug gipalunan kini’g mga bala rason sa kamatayon niini.
Wala pa makontento ang suspek,gidamay usab niini ang duha ka residente rason nga nag-inilogay sila sa armas hangtod natadtad sa mga bala nga naghatod sa ngilngig nga kamatayon niini.
Dugtong niini,gihikay pa gihapon sa kapolisan ang kasong murder kay subay sa mga testigo,dunay kauban ang suspek atol sa pagbuha sa maong kremin sa miaging semana.(Pictures: Mike Navarro).
