Gidumdum sa Simbahang Katolika ang dakung tahas sa mga inahan sa matag katilingban.
Mingon si Father Der John Faborada, Social Communication Officer sa Archdiocese of Cagayan de Oro nga ang mga inahan gihatagan sa bug-at nga pagtagad sa simbahan kay sila gitahasan nga musamin sa kinaiya ni Berhen Maria ang inahan ni Hesus Kristo.
Giila usab sa Simbahan ang ilang sakripisyo sa pamilya, ilabe ang mga working mom ug mga Overseas Filipino Workers nga nanimpalad sa gawas sa nasud aron mabuhi ang ilang pamilya nga nagdepende kanila dinhi sa Pilipinas.
Gawas niini, gihalaran usab sa pag-ampo ang mga solo parents nga nagsilbing “dual” ang gihuptan nga papel sa pamilya ug nasayud ang kaparian sa ilang bug-at nga mga desisyon ug dili ti-aw nga pakigbisog sa maayong mental health.
