Gibutyag ni Department of Interior and Local Government (DILG) Secretary Jonvic Remulla nga taas ang kahigayunan o tyansa nga masikop na ang nagtago-tagong si Senador Ronald “Bato” dela Rosa.
Gipahayag kini ni Remulla apan wala na kini maghatag pa og dugang nga mga detalye aron dili makompromiso ang ilang operasyon.
Sa laing bahin, kumpyansa pud si Remulla nga madala nila sa nasud ang pugante ug kanhi kongresista nga si Zaldy Co, diin muadto siya sa Pransiya sa musunod nga duha ka semana.
Dugang ni Remulla, gihawiran na nila ang tanang impormasyon bahin sa dapit nga gitaguan ni Co. (raniel mahunyag)
