CAGAYAN DE ORO CITY- Gihimakak sa PNP ang impormasyon nga persons of interest o POI nadakpan nga babaye ug lalaki dihang gipatuman sa Criminal Investigation and Detection Group o CIDG ang search operation diha sa lungsod sa Balingasag,Misamis Oriental.
Kini human unang milugwa ang report nga persons on interest o POI sila si Larry Camama ug Cherry Ann Salvacion sa pag-ambush-patay kang Napaliran Brgy Kap Claver Miral sa boundary sa Jasaan ug Balingasag ning lalawigan sa miaging semana.
Misamis Oriental Provincial Police Office spokesperson Police Lt Princess Joy Enriquez
Miingon si Misamis Oriental Provincial Police Office spokesperson Police Lt Princess Joy Enriquez nga granada ug armas ang tuyo sa CIDG-10 nga miembro sa SITG-Miral kon nganong gi-ronda nila ang pinuy-anan ni Camama ug Salvacion sa maong lungsod.
Una usab niini,gikompirmar ni Misamis Oriental Provincial Police Director Police Col Rolando Destura nga gisikop sila si Camama ug Salvacion pinaagi sa search warrant kay nakuhaan sa walay dokumento nga armas ug granada kagahapon sa buntag.
