Buhi pa ang paglaum sa San Antonio Spurs nga makab-ot ang kampeonato, human mailog ang kadaugan sa Game 3 batok New York Knicks sa Madison Square Garden, kaganina sa buntag.
Gipanguluhan ni Victor Wembanyama ang Spurs pinaagi sa iyang 32 puntos, 8 rebounds, 6 assist, ug duha ka steals.
Gipalig-on pa ni Stephon Castle ang scoring sa team pinaagi sa iyang napasulod nga 23 puntos, 5 rebounds, 5 assists, ug usa ka steal.
Si Dylan Harper mitala sa 13 puntos.
Samtang sila Julian Champagnie ug De’Aaron Martez Fox pulos mitala sa 12 puntos ug 13 puntos kang Devin Vassell.
Hisayran nga wala misibo ang 28 puntos ni OG Anunoby ug 32 puntos ning Jalen Brunson, aron dad-on unta sa ilang team ang kombinyenteng 3-0 lead.
Natapos ang dula sa final score 115-111 pabor sa Spurs.
Ang sunod nga match-up ipahigayon gihapon sa baluwarte sa Knicks karong Hunyo 11.
Una niini, lakip sa misaksi sa Game-3 si US Presidente Donald Trump ug mga milyonaryong celebrity fans sa Knicks nga sila Timothée Chalamet, Spike Lee, Jay-Z, Chris Rock, Ben Stiller, Tina Fey, Derek Jeter, Eli Manning ug daghang pang uban.
Subay sa report, ang ticket sa ‘celeb seats’ gi-auction pa sa balor P1-MILYON pataas.
Kini pa ang unang higayon nga naghost sa NBA Finals ang Madison Square Garden, human ang labing ulahing hosting niadto pang 27 ka tuig nakalabay.
