CAGAYAN DE ORO CITY – Daw gihatod sa aktibong sundalo ang iyang kaugalingon sulod sa selda nga nangahas pag-areglo sa cargo truck nga kargado sa mga sako nga puno sa klase-klaseng bato ug balas nga unang narekober sa Purok 2,Brgy Digkilaan,Manticao,Misamis Oriental.
Kini human nagtakin sa iyang kalibre 45 nga armas kuyog ang mga bala nga misulod sa presento apan walay dala nga gun ban exemption taliwala nga ubos sa election period ang nasud.
Naka-presentar ang maong suspek sa ubang dokumento kabahin sa paghupot sa armas apan gisignit kay walay pagtugot gikan sa Commission on Elections.
Kini ang rason nga gi-detiner sulod sa Manticao Police Station ang sundalo ug nasang-atan na sa kasong kriminal sa piskalya sa provincial prosecutor’s office.
Hisayrang una nang gibutyag sa Police Regional Office 10 pinaagi sa ilang tigpamaba nga si Major Joann Navarro nga sobra 20 ka personalidad na ang arestado ug 21 ka armas ang nangakompiskar ingo man sobra gatos ka klase-klaseng mga bala sukad gipatuman ang gun ban campaign.
