Gikumpirma sa Philippine Egg Board Association (PEBA) nga nakasinati karon og oversupply o subra nga suplay sa itlog ang nasod.
Matod ni PEBA chairman Gregorio San Diego, nahitabo kini tungod sa kaminos sa dako nga demand ug sa naghinobrang produksyon sa mga manokan.
Kini nga overproduction resulta usab sa pagbalhin sa daghang mag-uuma sa baboy ug manok ngadto sa maong negosyo human sila malugi tungod sa grabe nga importasyon sa karne.
Bisan pa niana, naglaum ang mga producer nga mosaka pagbalik ang demand ug presyo sa itlog inig sugod sa ting-klase.
