CAGAYAN DE ORO CITY – Nadakpan gilayon sa kapolisan ang lalaki nga suspek pagpatay sa prostituted woman sa wala pay 24 oras ning syudad.
Giila ni Opol Municipal Police station commander Police Major Evary Bacunawa ang suspek nga si John Michael Alfeche, 25-anyos ug residente sa Brgy. Luyong Bonbon, Opol,Misamis Oriental.
Sa pagdakop kang Alfeche, iyang gihimakak nga siya ang mipatay sa biktima ug namugos nga gigapos lamang niya sa iyang pagbiya sa room no.46 sa Homewood Pension House tungod kay gisingil siya’g P5000 inay sa mil-500 nga nasabutan sa iyang bugaw.
Si Alfeche ang unang nasikop sa kapolisan samtang nagtrabaho sa tindahan diin nakabase sa Brgy Bulua ning syudad.
