CAGAYAN DE ORO CITY-Isaka na sa city jail si Mohaimen Macauyag alyas Alex Masacal nga akusado pagpatay kang RTA enforcer Chris Cabinggas diha sa J.R Borja -Guillermo Streets ning syudad.
Kini human nasikop si Macauyag sa duha ka counts sa murder diin usa niini ang pagpusil-patay kang Cabinggas sa
maong lugar Disyembre 2016.
Gibutyag ni Sr/Insp Joel Salo sa Cogon Police Station nasikop ang suspek sa subli pagbalik sa syudad tungod sa giingong misyon nga mopatay’g laing RTA enforcer o police officer diha sa Yacapin-Roa Sts kagahapong adlawa.
Gani,gi-presentar pa nila ni C/Insp Harvey Abellanosa si Macauyag kang City Mayor Oscar Moreno ug kadagkuan sa RTA sa city hall kagahapon sa hapon.
Una niini,mihimakak ang si Macauyag nga siya ang nagpatay sa biktima ug namugos nga may nasuko lamang kaniya nga police assets.
Samtang giikalipay ni Task Force Hapsay Dalan overseer Atty Egay Uy ang pagkasikop ni Macauyag sa hiniusang operasyon sa Cogon ug Puerto Police Stations ning syudad.
Pinaagi sa pagkasikop ni Macauyag,mahatagan na sa hustisya si Cabingas nga dul-it gipusil-patay sa likod sa tuig 2016.
Una niini,mihimo’g pag-martsa ang gatusang RTA enforcers aron ikondenar ang kamatayon ni Cabingas.
Una niini,emosyonal ang inahan nga si Yolanda Cabingas dihang nakit-an ang dagway sa suspek ug nanganti
usab nga mahatagan sa hustisya ang gidangatan sa iyang anak.
