CAGAYAN DE ORO CITY – Kasuhan sa pagpatay ug pagpanulis ang suspek nga nadakpan sa follow up operation sa kapolisan ning syudad.
Kini human tumbuka sa kapolisan nga ang suspek nga si Jeremia Umali,hingkod ang edad nga taga-Canitoan ang nanulis sa Crispy King ug gipusil ang mi-aparta nga empleyado sa Purok 4,Brgy Agusan ning syudad sa miaging Sabado sa kagabii.
Gibutyag ni Puerto Police Station commander Major Sabino Labitad nga maoy gipusil-patay sa suspek ang nagsilbing tigprito sa mga sud-ang manok sa maong patigayon nga si Jeff Pajaron nga residente ra usab ning dakbayan.
Sulti ni Labitad nga pugsanong gipapaha sa biktima ang suspek apan nag-deklara na hinoon kini’g tulis ug dili pa igo namusil ayha misibat dala ang 20 hangtod 30-mil pesos.
Dead on the spot ang biktima tungod sa igo sa wala matino nga klase nga armas.
Apan wala ra’y bayente kuwatro oras, gilayong nadakpan sa intelligence operatives ang suspek nga nagpalamig sa ilang lugar.
