CAGAYAN DE ORO CITY – Napasaka na ang kasong rape with homicide batok sa 23 anyos nga ulitawo nga miunay paglugos ug mipatay sa kaugalingong ig-agaw nga babaye sa Brgy Dansolihon ning syudad.
Kini human gibutyag ni Cagayan de Oro City Police Office o COCPO spokesperson Lt Col Evan Viñas nga gilayong nadakpan ang suspek nga si alyas James sa gilusad nga pursuit operation sa Lumbia Police Station nunot sa maong hitabo.
Miingon si Vinas nga giangkon sa suspek nga siya ang nakahimo sa kremin hinungdan nga kini gilayong gikustodiya ug gikasuhan sa piskalya kagahapong adlawa.
Una niini,gibunalan una’g bato sa suspek ang ulo sa biktima samtang nanglaba ayha gilugos ug gihulog sa pangpang sa miaging Miyekules sa buntag.
