Gibulgar ni Vice Pres Sara Duterte nga dili imposible nga himoon usab sa mga sakop ni Pres Bongbong Marcos ang gidangatang pagronda sa mga kabtangan nga iya ni kanhi Negros Oriental 3rd District Cong. Arnulfo Teves Jr.
Kini human unang gimando ni Marcos sa tanang hingtungdang ahensiya nga buhaton ang angayang mga lakang kabahin sa mga kalihukan ni VP Sara.
Nagsumikad ang mando ni Marcos batok Sara kay nabaharan kini nga ipapatay kon adunay dili maayong mahitabo sa naulahi epekto sa nagkagrabeng kainit nila sa politika.
Miingon si VP Sara nga sama sa nahitabo sa paglusob sa mga kabtangan ni Teves diin giingong may mga nakuha nga kontrabando,posibleng buhaton usab kini nila ngadto kaniya.
Siya miingon nga sagad ipatoo sa administrasyon nga adunay ipasulod nga clearing team sa mga target nga sudlang kabalayan ug gilayong mosunod ang laing grupo aron subayon ang mga giingong planted items.
Wala pa’y komento niini ang administrasyon nga expose ni VP Sara.
