Diretso nang giprangakahan ni Vice Pres Sara Duterte ang Marcoses nga wala na’y lauman nga magkauli pa ang ilang maayong kabubut-on.
Kini ang tubag ni VP Sara sa pangutana sa media kon may tsansa pa ba nga magbalik pa ang solido nga panag-alyado sa duha ka pamilya.
Siya miingon nga miabot na sa punto nga wala na’y angay balikan pa kon unsa man ang nasugdang kasuod o panag-uban sa duha ka dagkong politikanhong pamilya.
Gibutyag niini nga dayag na sa kadaghanan kon unsa ka seryoso ang administrasyon aron paphaon kini sa pagka-bise presidente.
Apan siya miingon nga seryoso ang pagbaton niya sa mga bahad sa kinabuhi gikan sa administrasyon.
Siya miingon nga wala lang nagsentro kaniya ang bahad sa kinabuhi apan ang iyang pamilya ug mismo usab sa mga kauban niini sa trabaho sa Office of the Vice President.
Una niini,wala daw kasayuran ang Philippine National Police nga nagbaton sa seryosong bahad sa kinabuhi ang bise-presidente.
Hisayrang human sumbaliki’g bahad ni VP Sara nga ipapatay niya sila Pres Bongbong Marcos,Liza Marcos ug Speaker Martin Romualdez,paspas kini gisakyan sa Department of Justice pinaagi sa National Bureau of Investigation,PNP ug mga alyado nila sa politika aron kasuha’g kriminal ug impeachment case didto sa kamarabaha.
