Nagkainitay sila Vice Pres Sara Duterte ug ang mga pulis nga naghatag seguridad sa pagdala sa ospital sa iyang chief of staff nga si Atty Zulieka Lopez.
Kini human naglisod na’g ginhawa si Lopez sulod sa lawak diin siya gipa-contempt dihang nasayran nga ipabalhin sa Bureau of Corrections Women’s Correctional Institution sa Mandaluyong City kaganihang kadlawon.
Gipugngan ni Duterte ang pulis nga mabiyahe si Lopez kay unang gimando sa kamarabaha nga dad-on sa Saint Luke’s Medical Center sa Quezon City apan gidala kini sa Veterans Memorial Medical Center alang sa health assessment.
Pugsanon unta nga sirad-an sa mga pulis ang gisakyang ambulansiya ni Lopez apan gibabagan kini ni VP Sara.
Nagkatinubagay ang bise-presidente ug mga pulis kay adunay kabalaka nga dad-on sa laing lugar ang abogado.
Siya miingon nga naglisod na daw sa paglihok si Lopez apan gilisud-lisod pa sa mga pulis.
Dumduman nga sa wala pa nahitabo ang maong eskena kaganihang kadlawon, nag-zoom interview pa ang media kang Sara ug Zulieka diin daghan ang gipangbulgar batok sa pagkatawo nila ni House Speaker Martin Romualdez ug First Lady Liza Marcos.
