CAGAYAN DE ORO CITY – Masaligon ang kapolisan nga dili mapaubos sa kontrol sa Comelec ang paglusad sa piliay sa katawhan sa lungsod sa Pangantucan,Bukidnon.
Kini bisan kon dunay suspected election related incident tali sa supporters ni incumbent Mayor Miguel Silva ug sa iyang challenger nga si Christopher Garces diin nag-resulta sa kamatayon sa usa ka tawo ug pagka-angol sa laing dugang tulo pa sa duha ka panig.
Gibutyag ni Bukidnon Provincial Police Office spokesperson Capt Jisselle Longgakit nga gisuta pa nila ang tinud-anay nga hitabo ayha sila makasulti nga may koneksyon kini sa piliay.
Giklaro sa opisyal nga dunay wala pagsinabot sa supporters ni Silva ug Garces hinungdan sa pagpinusilay sa miaging adlaw’ng Miyerkules.
Samtang laraw nga padalhan sa Comelec sa daghan tropa sa kapolisan ang Pangantucan Bukidnon.
Kini tungod sa kamatayon sa usa ka sibilyan ug laing tulo ang samaron nunot sa panabangi sa supporters nila ni incumbent Mayor Miguel Silva ug mayoralty challenger Christopher Garces.
Gibutyag ni Comelec 10 Director Atty Francisco Pobe nga masiguro ang kahusay ug kalinaw sa piliay sa maong lungsod.
Narekober sa crime scene ang 12 ka kapsula sa kalibre 45 ug laing basiyo sa shogtun.Hisayrang kini ang pinakaunang kaso nga dunay pagpinusilay sa duha ka panig sa mga kandidato sa maong probinsya.
