CAGAYAN DE ORO CITY – Gilayong giaksyonan sa mga personahe sa Municipal Social Welfare Devt ang kuyog sa barangay officials ang pagpabakwit sa dul-an 40 ka residente o 13 ka pamilya sa Zone 1,Gracia,Tagoloan,Misamis Oriental.
Kini human nakaabot sa atensyon ni Tagoloan Mayor Atty. Nadya Emano – Elipe ang gidangatan sa mga residente nga apektado sa kalit pagdagko sa mga balod sa dagat kaganihang hapon.
Apil sa mga gitututukan ang pagpahimutang sa senior citizens.
Hinoon,wala makahimo’g grabeng kadaot ang maong pagdagko sa mga balod diin gilimpyuhan na usab sa mga tagbalay ang ilang mga puy-anan nga nasudlan sa tubig-dagat.
Gipalikay usab sa munisipyo ang katawhan nga dili una maligo sa dagat samtang anaa pa ang pagdagko sa mga balod. (Tagoloan-MDRRMO/Tagoloan Information Office Page).
