Gikasubo sa 18 ka mga Marines ang akusasyon ni National Bureau of Investigation (NBI) Director Melvin Matibag nga sila mga binayran.
Namahayag ang usa sa mga resource person nga dili isyu alang kanila ang bayad tungod kay andam sila magsakripisyo sa nasud, aron mahatud ang kamatuoran.
Namugos ang mga resource person nga personal silang mitambong sa hearing ug walay nagpugos kanila aron muhimo’g mga imbento.
Ang pahayag ni Johnny Buduan, sa usa sa 18 ka kanhi Marines nga testigo sa pag-apud-apud sa mga maleta ngadto sa mga dagkung opisyal sa gobyerno.
Una niini, gipamatud-an usab ni Atty Levito Baligod nga naglisud pa gani sa pinansyal nga aspeto ang pipila ka mga kanhi marino sukwahi sa pasangil ni Matibag nga sila mga sinuhulan ni kanhi Congressman Mike Defensor.
Gihagit ni Baligod ang informant ni Baligod nga magpakita ug isaysay ang iyang nahibaloan, ug itandi ang pinansyal nga kalisdanan sa mga kanhi eskorte ni Congresista Zaldy Co.
Gidumdum ni Baligod ang higayon nga adunay usa kanila ang nagkalisud sa pagbayad sa hospital bills sa nagsakit nila nga kapikas ug anak.
Aduna usab usa kanila nga nangita pag paagi aron makapalit sa lungon sa ilang minatay nga kabanay.
Miingon si Baligod kining tanan dokumentado ug pamatuod nga walay suhol nga tag P5-Milyon nga nadawat ang 18 ka mga resource person sa flood control anomaly.
