CAGAYAN DE ORO CITY – Tingkagol sa prisohan ug nag-atubang sa kasong qualified human trafficking ang duha ka suspek nga nalambigit sa Online Sexual Exploitation diha sa Purok Malipayon,Calangahan,Lugait,Misamis Oriental.
Giila ni PNP Anti-Cybercrime Unit 10 chief Lt Col Lemuel Gonda ang mga dinakpan nga sila si Joseph Tagaamo,40 anyos ug Angelica Pulaos, 20 anyos nga managsama nagpuyo sa lugar.
Gibutyag ni Gonda nga taud-taod nang nalambigit sa ilegal nga kalihukan ang mga suspek gamit ang mga menor de edad nga ilang ipahimo’g mga law-ay nga kalihukan online samtang mosaksi ang mga langyaw’ng customers.
Nabawi sa raiding teams ang daghang mga ebedensiya nga magamit sa mga otoridad pagpalig-on sa kasong giatubang sa mga suspek.
