CAGAYAN DE ORO CITY – Kasuhan sa Philippine National Police o PNP sa magkalahing piskalya ang duha ka dinakpan nga suspected illegal drug pushers sa syudad ug lalawigan sa adlaw’ng Lunes.
Kini human magkalahi sila nasignit sa mga operatiba sa Provincial Drug Enforcement Unit sa Misamis Oriental Police Provincial Police Office ug City Drug Enforcement Unit sa Cagayan de Oro City sa mismong adlaw’ng Huwebes-Biyernes Santo.
Matud ni Police Regional Office 10 spokesperson Major Joann Navarro nga subay sa gihandos nga impormasyon sa maong operating units nga gipang-ila ang mga dinakpan nga sila alyas Rejay, 44 anyos,factory worker ug nagsilbing high-value individual o HVI naglihok sa Zone 2,Brgy Bobontugan,Jasaan,Misamis Oriental.
Nakompiskahan sa PDEU operatives ang dinakpan sa 3 gramos nga gitoohang shabu nagkantidad 20-mil 400 pesos ingon man ubang mga ebedenisya kabahin sa ilegal nga kalihukan.
Dugang ni Navarro nga nasikop usab sa COCPO-CDEU operatives si alyas Mak-Mak, 41 anyos,high value indidividual nga naglihok sa San Lazaro,Brgy Lapasan ning syudad.
Nabawian ang dinakpan sa 100 gramos sa gitoohang shabu nga adunay kostar nga 700-mil pesos.
Tungod niini,hampakan sila sa kasong pagsupak sa Comprehensive Dangerous Drugs Act of 2002 sa city ug provincial prosecutor’s office sa pagka-Lunes sa buntag.
Una nang gitimbiya ug gipasalamatan ni PRO 10 Director Brig Gen Jaysen De Guzman ang kakugi sa maong special untis sa pakigbatok sa pagkaylap sa ilegal nga droga sa ilang tagsa-tagsa ka hurisdiksyon.
