CAGAYAN DE ORO CITY – Atubangon sa duha ka customers sa lodging house ang patung-patong nga kasong kriminal sa piskalya sa dakbayan sa adlaw’ng Martes.
Kini human unang gipusil sa mga suspek nga sila si Zainor-hakiim Dimalutang ug Allan Ali nga taga-Marawi City gamit ang kalibre 9mm pistol ang stay-in roomboy nga si Art John Quirem,22 anyos,ulitawo nga taga-Brgy San Mateo,Butuan City.
Miingon si Carmen Police Station commander Maj Mario Mantala Jr nga kasong frustrated murder,attempted murder,illegal possession of firearm ang kabahin sa ilang ipasaka batok sa duruha.
Siya miingon nga unang gipusil sa mga suspek si Quirem nga igo lang naningil sa bayad sa check-in hours charge sa Queensland Inn apan dili salapi ang gibayad ug hinoon igo sa li-og ang nadawatan niini hinungdan nga kritikal.
Giapil usab pagpusil sa mga suspek ang laing roomboy nga si Marlou Felecio apan wala kini maigo.
Nasuta nga kanhi empleyado sa DAR-Marawi si Dimalutang ug temporaryong nagpuyo sa lungsod sa Opol,Misamis Oriental.
