Mitala sa duha ka klase sa abnormalidad sa Bulkang Mayon ang Philippine Volcanology and Seismology (PHIVOLCS), karong buntag sa adlaw’ng Biyernes.
Una, mirehistro ang minor Strombolian activity nga natala sa alas 5:59 sa buntag.
Gisundan kini sa Lava effusion nga nagresulta sa collapse-fed pyroclastic density currents o “uson” sa pagka alas 9:07 sa buntag.
Ang effusive eruption sa Mayon nagpadayon na sulod sa 151 ka sunod-sunod nga adlaw, ug nagpabilin gihapon ang Alert Level 3.
Kini nagpasabot nga delikado gihapon ang sitwasyon ug kinahanglan nga magmatngon ang mga residente ug mga awtoridad sa palibot sa bulkan.
