CAGAYAN DE ORO CITY – Gisundayag na sa Comelec ang bag-ong automated counted machine o ACM atubangan sa prensa nga maoy gamiton sa pagbotar sa katawhan sa 2025 elections.
Kini human gipanguluhan ni Comelec MisOr Provincia Elections Supervisor Atty Carlito Ravelo ug Comelec Bukidnon Election Supervisor Atty Alile Ramirez ang paghatag information drive niini ngadto sa mga sakop sa media aron maoy ipasabot usab sa katawhan.
Siya miingon nga angayang masayran kini sa katawhan nga klase sa mga makina aron dili sila maglisod sa mismong adlaw na sa ilang pagbotar.
Dugang ni Ravelo nga gitahas nila sa ilang tanang election officers nga adtuon ang mga lugar nga lagyo sa sentro alang sa maong katuyuan.
