Mukabat sa 24 ka tawo ang namatay ug kapin 70 ang nasamdan human mibuto ang usa ka shuttle train nga nagsakay og mga security personnel ug ilang pamilya sa probinsiya sa Balochistan, Pakistan.
Sumala sa mga otoridad, mibuto duol sa riles sa tren sa Quetta ang shuttle train nga nagdala ug mga pasahero padulong sa Jaffar Express. Giangkon sa separatistang militanteng grupo nga Baloch Liberation Army o BLA ang maong pag-atake ug gihulagway kini isip suicide bombing, bisan wala pa kini mapamatud-i sa imbestigasyon.
Gikondena ni Prime Minister Shehbaz Sharif ang insidente ug mipadayag og pakigduyog sa mga pamilya sa mga biktima samtang nagpadayon ang operasyon sa gobyerno batok sa mga rebeldeng grupo sa rehiyon. (riza budlao)
