Subli naigo sa dakong sunog ang katawhan sa Brgy Camaman-an sa syudad diin nagsaulog sa ilang kapistahan ning adlawa.
Kini human respondehe sa BFP-Cagayan de Oro ang sunog nga mitala sa ikatulo nga alarma sa Ramonal Village, Barangay Camaman-an kagabii.
Pasiunang gisulti sa BFP,anaa sa 25 ka balay ang damyos ug adunay estimated P1.2-milyon ang danyos. Sumala sa BFP, 23-ka panimalay ang hingpit nga naugdaw samtang 2 ang partially damaged.
Sa pagkakaron wala pay na-rekord nga nakalas nga kinabuhi sa maong insidente.
Giingong nag sumikad sa usa ka boarding house ang pag ulbo sa kalayo human nadunggan sa pipila ka mga residente nga naay nibuto dayun gi sundan sa pag ulbo sa kalayo.
Gisusi pa sa mga awtoridad ang tinuod nga hinungdan sa kalayo, apan dako ang pagtuo nga nagsugod kini sa usa ka electrical short circuit.
Sa miaging Abril ning tuiga,ubay-ubay’ng sunog ang miigo sa maong brgy nga naglakip sa Adela Subdivision diin adunay senior citizen nga namatay kay nalukong sulod sa balay. (phillip ariata)
