CAGAYAN DE ORO CITY -Naka-kustodiya sa kapolisan ang drayber sa Toyota Innova human napunggiti ang motorsiklo nga gisakyan sa tulo ka lalaki sa highway sa Purok 3,Brgy Poblacion, Libertad,Misamis Oriental.
Giila ni Police Regional Office 10 spokesperson Maj Joann Navarro ang mga biktima nga sila si TJ Ajon,15 anyos;Benjie Ponce ug Randy Villaluz nga pulos taga-Barangay Cabalantian,Mantiaco ning lalawigan.
Gibutyag ni Navarro nga pulos padulong sa Cagayan de Oro City ang direksyon sa duha ka sakyanan sa dihang napunggitan sa Toyota ang mga biktima hinungdan sa pagkalagpot niini.
Namugos ang driver nga si Anselmo Labastilla Jr,57,minyo ug Brgy Aguada,Ozamiz City,Misamis Occidental nga nabangaan niya ang mga biktima kay walay suga ang gimaneho nila nga motorsiklo.
Nasuta nga walay gipangsul-ob nga helmet ang mga biktima pagkahitabo sa aksidente.
